PSE-EE PSOE Socialistas Vascos

Agustin Valdivia Lasarte-Oriako alkateak, Lourdes Acevedo zerbitzu sozialetako zinegotziarekin eta Goizalde Pildain kiroletako zinegotziarekin batera, ostiraletako Ondo Ibili ibilaldi osasungarriak berriko hasiko zirela iragarri zuen. Bertan ziren, halaber, Laura Rodriguez Biyak Bat elkarteko presidentea, Encarni Baztan Nagusilanekoa, Iñigo Salvador kiroletako teknikaria, Lasarte-Oriako osasun-zentroko ordezkari bat eta ibilaldietan parte hartzen duten hainbat pertsona.

Irailaren 22an, Okendo Plazan, berriz ekingo zaie Lasarte-Orian pertsona adinduentzat goizez antolatzen diren "Ondo Ibili" izeneko. ibilaldiei. Bertaratuek parte hartzera, etxetik ateratzera eta aktibatzera animatu zituzten adinekoak, eta gogorarazi zuten euria egiten duen egunak gutxi direla.

Ondo Ibili programako txangoak ostiralero egingo dira, ordu eta leku beretik abiatuta, ekainera arte. Ibilaldien ordutegia ordubetez luzatuko da, eta aurten 11:00etatik 12:30era izango da. Parte-hartzaileek udaleko kirol-monitore bat eta elkarte kolaboratzaile bakoitzeko boluntario bat izango dituzte lagun.

Luzera desberdinetako 5 ibilbide daude, 2 km-tik 5 km-ra bitartekoak, zailtasun ezberdinetakoak. Egunero erabakiko da zer ibilbide egin, parte hartuko duten pertsonen gaitasunen arabera.

Aurten, parte-hartzaileei pasaporte bana emango zaie, Ondo Ibili programako ibilbideak zein egunetan izango diren adierazten diena. Parte hartzen duten bakoitzean pasaportea zigilatuko diete, eta pasaportea betetzea lortzen duenak sorpresa bat jasoko du denboraldia amaitutakoan.

Jarduera horrekin  lortu nahi den helburuetako bat da adineko pertsonek aktiboak izaten jarrai dezatela, ariketa fisikoa egin dezatela (paseatuz) eta harreman sozialak landu ditzatela. Kontua da osasun fisikoa nahiz mentala indartzea.

Jarduera hori udalerrian jarduera sozialak garatzen dituzten hainbat talderen lankidetzaren fruitu da: Jubilatuen Elkartea, Nagusilan, Atsobakarreko zahar-etxea, Udala eta Osakidetza.