PSE-EE PSOE Socialistas Vascos

Lasarte-Oriako alkate Agustín Valdiviak, Gazteria eta Hezkuntzako zinegotzi Maite Iglesiasek eta Festetako zinegotzi Txus Alonsok aurkeztu zituzten Eguberriko, Urteberriko eta Erregenetako Jaiak ospatzeko udalak antolatutako jarduera guztiak..

FESTAK

Alonsok Festetako Departamentuak antolatutako eta udalaren laguntza ekonomikoa duten jarduera guztiak aletu zituen.

Honako hauek dira:

Eguberrietako Haur Parkea

Eguberrietako Haur Parkea (EHP) Lasarte Oriara itzuliko da: parkea 21ean irekiko da, eta urtarrilaren 4ra arte iraungo du. Haurrentzako parkea Michelingo kirolgune munizipaleko frontoian eta teniseko pistetan instalatua egongo da.

Ordutegia goizez eta arratsaldez izango da, 11:00etatik 14:00etara eta 17:00etatik 20:00etara, ordu eta erdiko bi txandarekin, aforoa errespetatzeko eta, horrela, lehen txandan sartu ezin izan diren haurrei aukera emateko.

Abenduaren 24an eta 31n goizez bakarrik egongo da zabalik, eta urtarrilaren 25ean eta 1ean itxita.

Sarrera dohainik da, baina hara doazen helduek euro bat ordaindu beharko dute sarrerarengatik, aforoa adinekoekin ez betetzeko eta adingabeei sarrera gehiago emateko.

EHPak 4 gune izango ditu, adinaren arabera bereizita:

• 0 eta 3 urte bitarteko haurtxoentzako gunea
• 3 eta 5 urte bitarteko haurrentzako gunea
• 4 eta 10 urte bitarteko haurrentzako gunea
• 11 eta 14 urte bitarteko gazteentzako gunea.

EHParen enpresa adjudikazioduna Servicios Globales Araba da, eta 43.300 euroko kostua du.

Abenduaren 21ean

Santo Tomas eguna: Ttakunek antolatutako azoka itzuliko da jatorrizko formatuan. Asteazken arratsaldean, 17:00etatik 20:30era, taloak, gaztainak, txistorra eta sagardoa saltzeko postu tradizionalez gozatzeko aukera izango dugu Okendo plazan. Ekitaldia herriko hainbat taldek eta elkartek girotuko dute jarduera kulturalekin.

Abenduaren 24an

Olentzero etorriko da Ttakunen eskutik, entitate hori baita gure herrian haren harrera prestatzeaz arduratzen dena.

Goizean, Olentzero eta Mari Domingi gutunak jasotzen ariko dira Antonio Mercero gunean 12:00etatik 14:00etara.

Goizean ohiko kalejira egingo da. Beti bezala, Loidibarrengo frontoitik abiatuko da eta Okendo plazan bukatuko, amaierako ekitaldi batekin.

Abenduaren 31n

San Silvestre eguneko kirol-proba izango da, herriko kaleetan zehar ibiliko den festa-giroko kirol-proba herrikoia.

Disko-festa

Abenduaren 31rako, departamentuak disko-festa bat prestatu du Andatza plazan, karpa baten azpian. Festak bi emanaldi izango ditu: bata arratsaldez, 19:00etatik 20:30era, familientzat; eta bestea, jada urtarrilaren 1ean, goizaldeko 1:00etatik 4:00etara, gazteentzat.

Urtarrilaren 5ean

Ohikoa denez, arratsalde horretan Errege Magoen Kabalgata egingo da. Aurten 17:30ean abiatuko da Oriako frontoitik, eta udalerriko hainbat kale zeharkatuko ditu.

Megabak, antolatzeaz arduratzen den kultura-elkarteak, errege-morroien bidez gutunak bilduko ditu egun horretan, 12:00etan, Okendo plazan. Goiz horretan, Errege Magoek Atsobakarreko zahar-etxeko egoiliarrak bisitatuko dituzte.

Arratsaldean, Errege Magoek harrera egingo diete haiekin egon nahi duten haur guztiei, eta haurrek aukera izango dute haiei gutunak eskura emateko. Brigitarren komentuko kaperan izango da, 15:30etik 17:00etara.

GAZTERIA

Bestalde, eta Gazteria departamentuak antolatuta, arloko zinegotzi Maite Iglesiasek Gaztelekuan egingo diren ekitaldien berri eman zuen. Hauexek izango dira:

Abenduaren 22tik urtarrilaren 5era

Gaztelekua 12 urtetik gorakoentzat irekita egongo da 16:30etik 20:30era, eta bi begirale ariko dira, gune hori dinamizatzeaz arduratuko direnak.

Abenduaren 22an

Gaztelekuko eguberrietako dekorazioa.

Abenduaren 26tik 30era

Futbolin-txapelketa. Aldez aurretik izena eman beharko da Gaztelekuan.

Abenduaren 26an

Sortu gure tendentzia Tik-token.

Abenduaren 28an

Inozenteen eguna dela eta, txantxekin lotutako jokoak antolatuko dira.

Abenduaren 29an

Egin ezazu alkoholik gabeko koktela

Abenduaren 31n

Urte-amaierako festa, kanpai-hotsak barne.

Urtarrilaren 2tik 5era

Mahai-teniseko txapelketa. Aldez aurretik izena eman beharko da Gaztelekuan.

Urtarrilaren 3tik 4ra

Mahai-jokoak.

KULTURA

Amaitzeko, alkateak gogora ekarri zituen Kultura departamentuak lehenagotik aurkeztu zituen jarduerak, jai-garai honetan sartzen direnak. Hauek dira jarduerak:

Abenduaren 16an

Eguberrietako kontzertua Zero Sette akordeoi-orkestrarekin, 20:00etan, San Pedro elizan.

Abenduaren 18an

Eguberrietako kontzertua Musika-eskolarekin, 19:00etan Kulturetxeko auditorioan.

Abenduaren 22an

Eguberrietako kontzertua Alboka Abesbatzarekin, 19:00etan, Brigitarren komentuan.

Abenduaren 28an

Gospel kontzertua New Orleans Gospel Quartetekin 20:00etan, Kulturetxeko auditorioan.