partekatu
• BOOKSTART EUSKADI
"Liburu Baby Kluba" saioak Liburutegi Munizipalean
Azaroan aurkeztu zen Lasarte-Orian 'Bookstart Euskadi', haurren artean irakurzaletasuna sustatzeko programa berria, kulturaren eta liburuen bidez gizarte-aldaketa bat bultzatu nahi duena.
Programa hau haur-pobreziaren kontra borrokatzeko goi-komisionatuak sustatzen du, "Eraldatzen duen kultura" ekimenaren esparruan, bai eta "Irakurriz Eraldatu" haurren promoziorako sareak ere, zeinaren sortzaile eta kide baita Mestiza elkarte artistiko soziokulturala. Haurrei liburu, errima eta kantuekiko maitasuna oso txikitatik inspiratuz.
Bookstart Euskadiren helburu nagusia 0 eta 2 urte bitarteko haurrei liburuak dohainik eskaintzea da. Etapa horretan sortzen da haurrek beren familiekiko duten atxikimendua, eta loturak sustatzen hasteko unea ere bada, bai eta zalantzarik gabe adingabearen garapena markatuko duten ohitura txikiak sustatzen hastekoa ere. Haurrak jakin-minezko, enpatiazko eta ulermenezko mundu batera zabalduz, berezkoa duten ikasteko gaitasuna garatzen lagunduz
Irakurketa ezinbesteko osagarria da pertsonen bizitzarako. Pentsamendu kritikoa sustatzen du, desberdintasunaren kontrako borrokan oso garrantzitsua den gaia, gizarteratzen laguntzen du eta arrakala ekonomiko, sozial eta kulturala murrizten du. Gainera, txikitatik haste horrek eragin positiboa du haurren garapen kognitibo eta linguistikoan.
Abenduan egin zen bezala, datozen hilabeteetan hainbat larunbat programatu dira Liburutegi Munizipalean, haurrek beren familiekin "Liburu Baby Klubeko" saioak egiteko. Topaketa horrek hiru liburu hiru hizkuntzatan (euskaraz, gaztelaniaz, ingelesez) irakurtzeko aukera ematen du, modu ludiko eta didaktikoan.
Irakurketa-saioetarako inskripzioa Liburutegi Munizipalean egin daiteke dohainik. Saio guztiak 11:00etan izango dira. Saioak 0 eta 3 urte bitarteko haurrentzat dira.
- Urtarrilaren 13an eta 27an
- Otsailaren 10ean eta 24an
- Martxoaren 9an eta 23an
- Apirilaren 13an eta 27an
- Maiatzaren 11n eta 25ean
- Ekainaren 8an eta 22an
