PSE-EE PSOE Socialistas Vascos

Lasarte-Oriako Festetako zinegotzi Txus Alonsok Lasarte-Oriako Auto Klasikoen I. Kontzentrazioa aurkeztu du gaur goizean Andatza plazan, Clásicox herriko taldeak bultzatutako ekimena, auto eta motor klasikoen zale diren herritarrek osatua.

Hitzordua azaroaren 16an izango da, eta Andatza plaza motor zaleen eta familien topaleku bihurtuko du. Jaietako Sailetik, Udalak ekimenarekin bat egiten du 2.000 euroko ekarpen ekonomikoarekin eta jardunaldia garatzeko behar den laguntza teknikoarekin.

Aurkezpenean, Txus Alonso Jaietako zinegotziak azpimarratu zuen: “Clasicox-en proposamena ezin hobeto egokitzen da askotariko jarduerak, parte-hartzaileak eta herritar guztiei irekiak sustatzeko ideiarekin. Lasarte-Orian auzotarren ekimenek erakundeen babesa aurkitzea eta erreferentziazko ekitaldi bilakatzea nahi dugu”, eta amaitzeko, azpimarratu nahi izan zuen: “Lasarte-Oriako gizarte-ehunaren dinamismoaren eta gure jendeak erakartzen eta elkartzen dituzten proposamenak sortzeko duen gaitasunaren beste erakusgarri bat da kontzentrazio hau. Horrelako jardueren atzean, beren borondatez, beren denbora eta energia herriari zerbait eskaintzera bideratzen duten pertsonak daude, eta Udaletik lan desinteresatu hori aitortu, babestu eta balioan jarri nahi dugu”.

Azaroaren 16rako aurreikusitako egitaraua

• 10:00–11:00: Harrera eta izena ematea parte hartzen duten ibilgailuei.
• 11:00–13:30: Auto eta moto klasikoen erakusketa Andatza plazan.
• 11:00–13:30: Scalextric jarduera, bi zirkuiturekin: bata haurrentzat (4–8 urte) eta bestea adin guztientzat.
• 13:15: Sari banaketa
• 13:30an: Izena eman duten ibilgailuen irteera, udalerriko hainbat kaletatik.
• Bertako DJ Nico-k animatuko du ekitaldia.

Udalak herritar guztiak animatu nahi ditu Andatza plazara hurbiltzera, lehen edizio honetaz gozatzera, dozenaka ibilgailu klasiko bilduko baititu giroz eta zaletasunez beteriko jardunaldi honetan.

Izen-emateak (azaroaren 12ra arte): https://forms.gle/MLpXhErmvNUhyho19