partekatu
• BONUEN KANPAINA
Azaroaren 14an kontsumorako bonuen kanpaina berri bat hasiko da
Udalak 10na euroko 20.000 bonu jarriko ditu zirkulazioan, herriko establezimenduetan kontsumitzea sustatzeko, haien balioaren % 50 finantzatuz. Bonuak azaroaren 14tik azaroaren 30era bitartean erosi ahalko dira
Lasarte-Oriako alkate Agustin Valdiviak, Sozioekonomiako zinegotzi Nuria Fernandezekin batera, kontsumorako bonuen kanpaina berria aurkeztu zuen, aurten 100.000 euroko aurrekontua izango duena. Azaroaren 14tik aurrera erosi ahalko dira bonuak, horretarako sortutako www.lasarteoriabonoak.eus plataforma digitalean. Bonuak abenduaren 4ra arte kontsumitu ahalko dira.
Alkateak iragarri zuen bonu-kanpainaren 3. edizio honek herriko kontsumoa suspertu eta biziberritu nahi duela, merkataritzari, ostalaritzari eta zerbitzu pertsonalei sostengu emateko eta pandemiaren aurreko egoera errekuperatzeko.
Nuria Fernándezek adierazi zuenez, kontsumorako bonuak herritarrei zuzenduta daude lehenik eta behin, nahiz eta herriko merkataritza izango den azken onuraduna. Helburua da lasarteoriatarrek herriko establezimenduetan kontsumi dezaten sustatzea, batez ere Eguberri garaian. 200.000 euro jarriko dira martxan: 100.000 euro udalak jarriko ditu eta beste 100.000 euro bonuak erosten dituztenek jarriko dituzte.
Azaroaren 14tik aurrera, udalerrian erroldatuta dauden 16 urtetik gorako pertsonek www.lasarteoriabonoak.eus webgunearen bidez erreserba ditzakete bonuak. Horretarako, erabiltzaileak bere datu pertsonalak sartu beharko ditu plataforma digital horretan. 10na euroko 12 bonu erreserbatu ahalko ditu gehienez, 60 euroren truke. Gastua herriko ahalik eta establezimendu gehienetan banatze aldera, erosketa batean gehienez erabili ahalko diren bonuak 6 izango dira, 60 euroren balioarekin. Bonuak erreserbatzeko epea azaroaren 14tik 30era bitartekoa da. Bonuak erabiltzeko epea 2022ko azaroaren 14tik abenduaren 4ra bitartekoa da.
Erreserba egitean adierazi beharko duzu erosketa zein establezimendutan egin nahi duzun, eta informazio hori hautatutako establezimendura iritsiko da. Kanpainari atxikitako lokalek kartel bat izango dute, bonuen kanpainan parte hartzen dutela adieraziz. Bonua inprimatu edo mobilean deskargatu ahalko duzu.
Sozioekonomiako zinegotziak adierazi zuenez, edozein arrazoirengatik plataforma digitalean erosketarik egin ezin duten pertsonek laguntza eskatu ahal izango dute Villa Mirentxun, 618 13 92 40 telefonoan aldez aurretik hitzordua eskatuta, astelehenetik aurrera, hilaren 14tik aurrera, erreserba egiten lagun diezaieten.
Hilaren 11ko ostiralean, informazio guztia biltzen duen diptiko bat banatuko da Lasarte-Oriako etxeetako buzoietan. Orain artean, 50 establezimendu inguru atxiki dira.
Oinarriak eta eranskinak esteka honetatik jaitsi daitezke: https://www.lasarte-oria.eus/eu/-/ordenanza-reguladora-de-la-concesion-de-subvencion-1
