partekatu
• SANPEDRO JAIAK
2024ko San Pedro jaietarako kartela aukeratuta
2024ko San Pedro jaietako kartela aurkeztu dute.
Agustin Valdivia alkateak eta Txus Alonso jaietako zinegotziak aurtengo San Pedro jaietako kartel irabazlea aurkeztu zuten.
Edizio honetan 19 lan aurkeztu ziren, eta horietatik 4 baztertu egin zituen Berdintasuneko departamentuak, baldintzak ez betetzeagatik. Beraz, 15 kartel sartu ziren herritarrek parte hartzeko prozesuan, eta 185 iritzi jaso ziren guztira.
Hauek ziren epaimahaia osatzen zutenak: Jose Manuel Monge, arte ederretan lizentziatua eta diseinatzaile grafikoa, Begoña Lumbreras, Bizkerrekoa, eta Ainara Rodriguez, bideojokoen irudiak editatzen eta sortzen lan egiten duena. Azkenean, epaimahaiak "Sorgin Dantza" izeneko 19. kartela hautatu zuen, Gasteizko Luis Angel Argote Martinena, eta hark jasoko du 600 euroko saria.
