partekatu
• ZERBITZU SOZIALAK
Zerbitzu Sozialek Lasarte-Oriako 1.348 familia artatu zituzten 2021ean
Zerbitzu Sozialen departamentuak emandako datuen arabera, 2021ean 248 kasu berri artatu zituzten. Tramitatutako espedienteen artean, elikagaien banaketa, larrialdietarako laguntzak eta dependentzien balorazioak nabarmentzen dira.
Espediente-moten arabera, departamentuak honako espediente hauek kudeatu zituen:
- dependentziako eta desgaitasuneko 844 prestazio.
- elikagaien 407 banaketa.
- 284 prestazio ekonomiko.
- etxean laguntzeko 57 zerbitzu
- interbentzio psikoedukatibo eta psikosozialeko 49 zerbitzu.
- tasen 37 salbuespen.
- bortizkeria matxistako 21 kasu.
- inklusioko 14 prestazio.
Espediente horiez gain, departamentuak etxebizitza komunitarioen programa, Kontent-tu programa eta Jalgune elkartearen finantzaketa kudeatu zituen.
Dependentziako eta desgaitasuneko prestazioak.
Arlo horretan, dependentziaren 241 balorazio, desgaitasunaren 147 balorazio eta bestelako baliabide batzuetarako 131 orientazio egin ziren. Gainera, 40 laguntza tekniko eta 82 egonaldi tenporal eta iraunkor kudeatu ziren adinekoentzako edo desgaituentzako egoitzetan eta zentroetan.
Halaber, 117 prestazio ekonomiko kudeatu ziren, 11 pentsio kontributibo zaintzeagatik.
Larrialdietarako laguntzak.
Gizarte-larrialdietarako 247 laguntza kudeatu ziren, eta horietatik 232ri erantzun positiboa eman zitzaien. Gainera, udalaren 37 laguntza ekonomiko eman ziren, eta 37 pertsona tasetatik salbuestea kudeatu zen.
Elikagaien banaketa.
2021ean, elikagaien 2 banaketa egin ziren, 390 familia eta 17 adingabe artatu zirelarik.
Inguruneko prestazioak.
Arlo horretan 57 pertsonari kudeatu zaie etxean laguntzeko zerbitzua, guztira 16.077 orduko prestazioarekin.
Gainera, Kontent-tu programak beti mantendu ditu 10 erabiltzaileak, eta jubilatu-elkartean artatzen dituzte. Eta etxebizitza komunitarioetako plazen % 100 okupatzen jarraitzen da, 8 pertsonarekin.
Arreta psikosoziala eta psikoedukatiboa.
Zerbitzu horrek 49 familia-unitate artatu zituen, 120 pertsona guztira. Kasuen % 65ean arreta psikoedukatiboa izan zen, % 19an terapeutikoa eta gainerako % 16an interbentzioa bikoitza izan zen.
Artatutako familien profila honako hau da: % 39 bikote bananduak, kustodia aitak edo amak duelarik, % 27 seme-alaba biologikoak dituzten familia nuklearrak, % 14 guraso bakarrekoak eta % 20 bestelakoak. Esku hartzeko notifikazioa kasuen % 39an eskola-sistemaren bidez izan zen eta % 31n familiaren eskari bidez.
10 kasu Gipuzkoako Foru Aldundiko zerbitzuetara eraman behar izan ziren, haurren babesgabetasun larriko egoerak zirelako.
Bortizkeria matxista.
Departamentuan bortizkeria matxistako 21 kasuri eman zien arreta, kasu askotan lehenagoko urteetatik zetozenak. 13 kasutan asistentzia psikologikoa eman zitzaien, eta 2tan asistentzia soziojuridikoa. Gainera, kanpaina espezifikoak egin ziren martxoaren 8an (Emakumeen Nazioarteko Eguna) eta azaroaren 25ean (Generozko Indarkeriaren kontrako Nazioarteko Eguna), bai eta jaietan berdintasunaren aldeko edo LGTBI pertsonen eskubideen aldeko kanpainak ere.
Inklusio soziala.
Kapitulu horren barruan, esklusio sozialeko 8 balorazio egin ziren, pertsona bat egunezko inklusio-zentro batera deribatu zen, eta beste 5 akonpainamendu-zerbitzu espezializatura.
Datuak Zerbitzu Sozialak, Emakumea, Kooperazioa eta Osasuna departamentuko buru teknikoak prestatu zituen, eta haien kontu eman zen dagokien batzorde informatiboan.
