Web gune honek cookieak erabiltzen ditu, propioak eta beste batzurenak. Nabigatzen jarraituz gero gure cookien politika onartzen duzula ulertzen da.

BERTSIO OSOA

BERTSIO MUGIKORRA

PSE-EE LASARTE-ORIA

PSE-EE LASARTE-ORIA

BULETINAREN HARPIDETZA

 
 

BERRIAK

2018 API 26      KULTURA

MAIATZEKO KULTUR-AGENDA

Maiatza askotariko programazioarekin datorkigu: zinemak, teatroak, erakusketek, musikak, dantzak eta hitzaldiek beteko dituzte Lasarte-Oriako kultura-guneak. Nabarmentzekoak dira Aterpearen eta Erketzen urteurrenak eta maiatzaren 5eko Wabi Sabi dantza-ekitaldia.

Jesus Zaballos Lasarte-Oriako alkateak, Maite Iglesias kulturako zinegotziarekin eta Juantxi Ugarte kulturako teknikariarekin batera, maiatzeko kultura-programazio intentsu eta bariatua aurkeztu dute.

Aterpearen 25. urteurrena eta Erketz EDTren 50. urteurrena ospatzeko egingo diren jarduerak dira hilabete honetako protagonistak.

Bere 25 urteak betetzearen harira, Aterpeak argazki-erakusketa bat antolatu du. Erakusketa maiatzaren 14tik 19ra ikusi ahalko dugu Antonio Mercero guneko erakusketa-aretoan. Horrez gain, urtero bezala, maiatzaren 17an, 18an eta 19an Udaberriko Festa antolatuko dute herriko kaleetan barrena.

Bestalde, Erketz Euskal Dantza Taldeak, bere 50. urteurreneko programazioaren barruan, IV. Dantzari Eguna eskainiko du maiatzaren 26an. Hilaren 27an, berriz, XXX. Dantzari Txiki Egunaren txanda izango da, eta haur dantzarien taldeak gure herriko auzo guztietan barrena ariko dira dantzan.

Bertsolaritzak maiatzaren 12an izango du bere tartea, Ttakun K.E.ren eskutik. Partaideak Ane Labaka, Andoni Egaña eta Loinaz izango dira.

Maiatzaren 9an, Danok Kidek antolatutako Bertsio Digitaleko Opera zikloaren barruan, Giacomo Pucciniren La Boheme operaren proiekzioa eskainiko da.

Hilaren 17an eta 18an Udaltop izango da, Euskal Herriko udaletako euskara-zerbitzu munizipalen topaketa. Maiatzaren 14an Gipuzkoako Foru Aldundiak bizikidetzako jardunaldi batzuk antolatuko ditu.

Hilabete honetan amaitzen da Kulturetxeko zinema-denboraldia, honako film hauek proiektatuko direlarik:

  • ·         Maiatzaren 6an: Peter Rabbit (haurrentzako zinema).
  • ·         Maiatzaren 6an: Una razón brillante (helduentzako zinema).
  • ·         Maiatzaren 4an: Cuando dejes de Quererme, Okendo zine-forumaren eskutik.

Amaitzeko, hilaren 30ean, Dantza-Eskola Munizipaleko ikasleek kurtso-amaierako ikuskizuna eskainiko dute.

 

Iturria: Lasarte-Oriako Udala

PSE-EE LASARTE-ORIA PSE-EE